Wielkanoc

Szczynś Boże,

u nos na Wielkanoc dycki robiymy śniodanie po prowdzie to niy po Rezurekcyji ale tak richtich dziepiyro po śniodaniu idymy do Kościoła na wielkie. A te śniodanie to jes tak fest i na zimno i na gorko, i ze świynconkom. Dzielymy sie z Mojom jajkym, skłodomy życzynia a potyn my sie tak przi tym śniodaniu posiedzymy. Popołednie to już spyndzomy do kupy ze cołkom Familiom. Normalnie to człowiek jes taki trocha zagoniony, wartko dni lecom to szuko aby sie choć we świynta trefić. Ważne do nos jes co by cołke Tridum przeżyć z postym. Żeby telewizor boł wyłonczony a co by tyż boła jako refleksjo o Życiu wiecznym. Kej by my zowdy poradziyli sie trefić przy stole i tyż przy nim pogodać, posuchać i posiedzieć cicho. Bo jak Ślązok milczy to wiy o czym godo.

Wesołych Świąt Jurek Kiolbasa